NGA: Joel P. Pollak
Të enjten “Wall Street Journal” raporton se financieri miliarder i majtë George Sorros humbi pothuajse 1 miliardë dollarë si rezultat i fitores së befasishme të Donald Trump në zgjedhjet presidenciale të Shteteve të Bashkuara të Amerikës në nëntor të vitit 2016.
Gazetarët e “Wall Street Journal” Gregory Zuckerman dhe Juliet Chung raportojnë: “Miliraderi i investimeve te fondeve George Soros humbi pothuajse 1 miliardë dollarë si rezultat i një periudhe të ngritjes së vazhdueshme të tregut të bursës të cytur nga fitorja e befasishme e Donald Trump në zgjedhjet presidenciale të Shteteve të Bashkuara të Amerikës. Por Stanley Druckenmiller, ish-zëvendësi i Soros, i cili e ndihmojë atë të shënonte 1 miliardë dollarë fitime kundrejt sterlinës britanike në vitin 1992, i parapriu ngritjes së fundme të tregut të bursës dhe bëri fitime të mëdha, sipas njerëzve që janë në brendësi të kësaj çështjeje.
Investimet në krah të kundërt të të dy këtyre investitorëve janë një kujtesë e fuqishme për sfidat, me të cilat janë përballur edhe investitorë të mirënjohur, pas fitores së befasishme të Trump … Soros tregoi kujdes ndaj tregut të bursës ndërsa hyri muaji nëntor dhe u bë më i stepur menjëherë pas zgjedhjes së Trump, sipas personave që janë në brendësi të kësaj çështjeje. Ndërkaq, qëndrimi i Soros doli se ishte një gabim, pasi tregu i bursës shënoi një periudhë ngritjeje, sipas pritshmërive se politikat e Trump do të rrisnin fitimet e korporatave dhe ekonominë e përgjithshme”.
Falë investimeve në fusha të ndryshme, Soros arrit të kishte 5% fitime nga fondet e tij gjatë vitit. Ndërkohë, Druckenmiller, i cili është shkëputur nga Soros që në vitin 2000, ia doli më mirë, duke parashikuar se një fitore e Clinton do të bënte që tregu i bursës të kishte një ngritje dhe më pas një rënie, ndërsa një fitore e Trump do të bënte të kundërtën, nënvizon “Wall Street Journal”.
Druckenmiller, i cili shpenzoi 3.5 milionë dollarë në donacione për Republikanët, një shumë e vogël krahasuar me 20 milionë dollarët e Soros në vitin 2016, “shënoi një fitim prej më shumë se 10%” në vitin 2016, raporton “Wall Street Journal”. “Fenomeni Trump” e ka ngritur me mbi 1600 pikë treguesin e tregut të bursës “Dow Jones Industrial Average”, që pas fitores së Trump në 8 nëntor 2016.
Përktheu: Ilir Sinanaj
