Vazhdon rënia në klasifikimin e FIFA-s për kombëtaren shqiptare të futbollit.
Ekipi shqiptar pas afro 1 viti e gjysmë e sheh përsëri veten jashtë 50 ekipeve më të mira në këtë renditje.
Ekipi i drejtuar nga De Biazi ka humbur dy pozicione gjatë muajit të fundit, duke kaluar nga vendi i 49-të, në atë të 51-in.
Kombëtarja shqiptare parashikohet të humbë pozicione të tjera, pasi do të kalohet nga disa vende afrikane që luajnë në Kupën e Kombeve gjatë muajit janar dhe fillimit të shkurtit.
Edhe përfaqësuesja e Kosovës ka humbur një pozicion në renditjen e muajit janar, duke qëndruar tani në vendin e 166-të në botë.
Në krye të klasifikimit është Argjentina, e ndjekur nga Brazili dhe Gjermania.
