Një 55-vjeçar ka humbur jetën dhe babai i tij ndodhet në gjendje të rëndë, si pasojë e asfiksisë nga gazi i qymyrit.
Ngjarja është shënuar në fshatin Kakoz të Lunxhërisë, në Gjirokastër.
Policia bëri me dije se “rreth orës 09.40, P.L, 55 vjeç është gjetur i vdekur, ndërsa babai i tij, A.L, 75 vjeç u transportua në gjendje të rëndë në spitalin e Gjirokastrës. Dyshohet se shkaku mund të jetë asfiksimi nga gazi i qymyrit që përdorej për ngrohje. Policia vijon hetimet për zbardhjen e plot të shkaqeve dhe ngjarjes”.
