1.9 ton kanabis janë kapur në një skaf në tentativë për t’u trafikuar drejt Italisë. Mjeti lundrues ishte nisur nga Vlora.
Sipas një njoftimi zyrtar policia e Shtetit thotë se ka njoftuar autoritetet e shtetit fqinj për një mjet lundrues të nisur nga Vlora.
Autoritetet italiane në orët e para të ditës së martë kanë ndaluar rreth 7 milje në afërsi të Brindisit një skaf me dy motorë të fuqishëm, me lëndën narkotike në bord.
Në pranga ranë dy trafikantët: italiani 47-vjeçar D.P dhe 25-vjeçari B.H nga Vlora.
Vijon hetimi për identifikimin dhe arrestimin e personave të tjerë të përfshirë në këtë trafik.
