Makina e një shqiptari është “hedhur në erë” me një shpërthim eksplozivi pranë urës “Europa” në Firence të Italisë.
Sipas mediave italiane në vendin e ngjarjes kanë mbërritur forca të shumta policie. Policia italiane thotë se shkak dyshohet të jetë bërë ndonjë hakmarrje ndaj shqiptarit. Shpërthimi ka shkaktuar vetëm dëme materiale. Teksa policia ka përjashtuar pistën e ndonjë ngjarje terroriste.
Nga hetimet e para rezulton se bëhet fjalë për një eksploziv artizanal që ka shpërthyer.
Eksplozivi ishte vendosur në makinën tip “Benz” të shqiptarit. Vijojnë hetimet për zbardhjen e plotë të ngjarjes dhe kapjen e autorëve.
