U bë bujë e madhe nga Qeveria dhe personalisht nga Kryeministri Edi Rama se Filarmonia e Vienës do të luajë në Tiranë më 2 Janar 2017, pra sot.
Ky eveniment u trumbetua si një prej shumë “arritjeve” të Qeverisë Rama, por që rezulton të jetë një bllof i madh.
Nga informacionet që disponon redaksia jonë, janë 5 artistë shqiptarë që janë pjesë e Filarmonisë së Vienës që marrin pjesë në këtë koncert që mbahet në Pallatin e Kongreseve.
Sipas burimeve të Syri.net, 5 artistët shqiptarë kanë marrë një shpërblim të majmë nga Kryeministri Edi Rama, duke u bërë në këtë mënyrë pjesë e shfaqjes së kreut të qeverisë shqiptare, për t’i “mbushur” mendjen qytetarëve se Filarmonia e Vienës ka zbarkuar në Tiranë.
Nga ana tjetër, zyrtarisht nga Viena njoftohet se Filarmonia e Vienës nuk është në Tiranë në koncertin që është propaganduar kaq shumë.
Pra, nga Filarmonia e Vienës janë vetëm 5 artistë (shqiptarë) që marrin pjesë në koncertin tek Pallati i Kongreseve, ku marrin pjesë Kryeministri Edi Rama, kryebashkiaku i Tiranës Erion Veliaj dhe të tjerë politikanë e personalitete shqiptare.
