Policia e Kosovës, përkatësisht sektori për krime ekonomike ka ndërmarrë një aksion të gjerë në disa qytete të vendit duke bastisur edhe disa banesa e objekte. Aksioni ka ardhur pas dyshimeve se disa kompani private nëpërmjet piratërisë kanë dëmtuar kompaninë ‘Digitalb’.
‘Indeksonline’ shkruan se aksioni është zhvilluar në qytetin e Prizrenit, Suharekës, Lipjanit, Gjilanit, Gjakovës dhe Lipjanit.
Personat që janë ndaluar nga Policia e Kosovës janë: Besnik Rexha, Florim Buza, Alper Ylidrim, Artan Bajraktari, Bajram Ajupi, Naser Krasniqi, Atdhe Isufi, Eshref Mazreku dhe Hajdin Hajdari.
Ndërkaq burime nga Policia e Kosovës thanë se vlera e dëmit ndaj kompanisë ‘Digjitalb’, vlerësohet të jetë 6 milionë euro. Ndërsa, burimet bëjnë me dije se pritet të ketë arrestime dhe bastisje të reja.
