Operacionet e policisë për arrestimin e Klemend Balilit janë dekonspiruar nga brenda vetë uniformat blu, u konfirmua edhe zyrtarisht nga policia qe arrestoi nje efektiv pak dite me pare. Por sot është zbuluar edhe telefonata që ka lajmëruar “Escobarin e Ballkanit”.
Pak minuta para ndërhyrjes së forcave speciale mëngjesin e të shtunës në banesën e Kelmend Balilit për të arrestuar këtë të fundit, rezulton se ai është njoftuar me telefon për t’u larguar.
Ky fakt konfirmohet për ReportTv nga burime pranë prokurorisë së përgjithshme ku rezulton se nga përgjimet e disa numrave telefonike mes tyre dhe të afërmve të Balilit ai është njoftuar duke i kërkuar të lëvizi nga vendstrehimi.
“Alo, thuaj të lëvizë se po vijnë ata”. Kjo bisedë në pak sekonda e përgjuar orët e para të mëngjesit të së shtunës është vlersuar si prova që dekonspiroi operacionin e policisë.
Një ditë pas deklaratave të forta të ambasadorit Lu se mos arrestimi i Balilit është një dështmim i institucioneve shqiptare, përfaqësues të ambasadës amerikane mes tyre dhe prokurori antikorrupsionit Gjon Juncaj ka trokutitur sërish në zyrën e Llallës ku për plot 60 minuta është diskutuar për një sërë çështjesh.
Burime për ReportTv sqaruan se prokurori ka informuar sëbashku me vartësit e tij përfshi dhe zyrën e mardhënieve me jashtë që ka bashkëpunuar me DEA-n në rastin e Balilit për të gjithë procedurën e ndjekur.
Po ashtu thanë burime janë vënë në dispozicion të gjitha procedurat e urdhër arrestit dhe janë njohur me hetimet për dekonsiprimin e operacionit të së shtunës, kur rezulton se të afërmit e balilit janë njoftuar nga një grup policësh në Sarandë.
Për hapat e ndjekura dhe procedurën ligjore të letërpororisë prej 2700 faqe nga pala Geke dhe arrestimin e Balilit, ka reaguar ndërkohë dhe ministri i drejtësisë Ylli Manjani i cili shprehet “Ligji shqiptar përcakton qartë se kush arreston, kush ndalon, kush akuzon dhe kush dënon persona të përfshirë në shkeljet e ligjit. Ministri i Drejtësisë vetëm ndihmon me transmetim leter-porosish dhe/ose përkthim zyrtar të dosjeve. Këtë detyrë e kemi bërë në kohë rekord”.
Kur kanë kaluar 4 ditë nga operacioni zyrtar për prangosjen e Balilit edhe këtë të enjte Renea dhe FNSH kanë zbarkuar sërish në Sarandë e Delvinë duke kryer kontrolle në banesa dhe biznese të familjes Balili, por sërish pa rezultat.
