Komisioni Shtetëror i Zgjedhjeve ka publikuar rezultatet e para preliminare të zgjedhjeve në Maqedoni.
Sipas këtyre rezultateve, aktualisht prin VMRO-ja e Nikola Gruevskit me afërsisht 41%, e ndjekur ngë LSDM-ja e Zoran Zaveit me 35.58%.
Në vendin e tretë është Lëvizja Besa me 7.58% e ndjekur nga BDI-ja e Ali Ahmetit me 7.11% dhe Aleanca për Shqiptarët e Zijadin Selës me 5.71%.
PDSH-ja e Menduh Thaçi ka mbetur mbrapa, duke fituar aktualisht vetëm 3.6%.
Por partia e LSDM, e udhëhequr nga Zoran Zaev, ka shpallur fitoren e saj në zgjedhjet e parakohshme parlamentare në Maqedoni, të mbajtura sot.
Zëdhënësi i LSDM’së, Petre Shilegov, ka thënë se opozita maqedonase ka fituar në të gjitha qytetet e mëdha, duke i shkaktuar humbje VMRO-DPMNE’së së Nikolla Gruevskit, raporton Gazeta Express.
LSDM i ka bërë thirrje qytetarëve të dalin të festojnë në sheshin e Shkupit. /
