Deputeti socialist Koço Kokëdhima ka nisur nga Vlora rebelimin e tij ndaj qeverisë Rama dhe Partisë Socialiste ku po zhvillon lëvizjen anti-Rama.Në fotot e siguruara nga Boldnews.al, ish-deputeti i PS shfaqet i shoqëruar nga bashkëshortja e tij Brixhida Kokëdhima, ndërsa pritet nga dhjetëra qytetarë me brohoritje dhe thirrje.
Ai ka sulmuar qeverinë duke thënë se ajo ka tradhtuar ish-ushtarakët, pavarësisht se ata janë votuesit më besnikë. Kokëdhima tha se qeveria shpronësoi në mënyrë të padrejtë në qytetin e Vlorës.
Ai ka paralajmëruar edhe një rikthim në parlament. “Sapo të rikthehem ne parlament do të kthej të drejtat për qytetarët e Vlorës”, deklaroi Kokëdhima gjatë fjalës së tij para mbështetësve.
Ish-deputeti socialist është ndalur edhe tek situata ekonomike. “Më shumë se 250 familje vlonjate përpëliten që të mbajnë frymën gjallë me qindarka”, tha ai.
Kokëdhima i ka kthyer përgjigje edhe akuzave të ministrit Damian Gjiknuri. “Ministri Gjiknuri bën gabim kur flet për lëvizjen tonë që është në kundërshtim me PS. Gjiknuri të heq dorë nga përçarja e PS dhe të mos kërcënojë partinë socialiste”, tha Kokëdhima.
