Endri Dhimitri, 24-vjeçari nga Permeti i cili u gjet i vdekur dje në banesën ku jetonte në rrugën “Don Bosko”, në kryeqytet, dyshohet se është rrahur brutalisht nga policia, çka ka sjellë edhe vdekjen e tij.
Kjo pretendohet në një denoncim të bërë publik mbrëmjen e sotme.
“Sapo fola dhe njëherë me personin qe më referoi se, Endri Dhimitri është bërë i vdekur në rajon të policisë. Ai më tregoi se i ndjeri është rrahur keq nga policia një natë me parë në rajon për shkak të një ngatërrese në një lokal dhe policia fsheh faktin që e ka marrë dhe rrahur shtazërisht në rajon. Kjo mund t’i ketë shkaktuar dhe hemorragjinë e fshehtë. Ai kishte ardhur nga Përmeti në Tirane. Jeton vetëm me babanë e moshuar dhe nuk ka as motër apo vëlla. Pak njerëz të afërm.”, është mesazhi që është publikuar sot nga ish kryeministri Sali Berisha në faqen e tij në Facebook, për të cilin thotë se i ka ardhur nga një qytetar.
Ish-kryeministri i ka bërë thirrje prokurorisë “që të hetojë dhe verifikoje me përparësi ketë dëshmi”.
