Kryeministri Edi Rama po kalon fundjavën në Milano bashkë me mikun e tij, njëherësh kryetar Bashkie i Durrësit, Vangjush Dako (me bashkëshortet). Por ai ka postuar një foto në facebook të vehtes së tij, në një fermë në Shqipëri. Këtë veprim kryeministri e bën për të manipuluar ndjekësit e tij në facebook se është gjithmonë me ta, pavarësisht se po shijon pushimet luksoze në Milano.
Ndërkohë komentuesit në rrjetet sociale i kujtojmë Ramës të merret me punën e “call center”-rave që po mbyll Italia në vendin tonë, dhe ku rrezikojnë të mbeten pa punë me mijëra të rinj.
Nuk dihet ende nëse ai do të kthehet sërish në Shqipëri, apo do të udhëtojë direkt për në Berlin, ku të hënën pritet të zhvillojë një takim me kancelaren gjermane Angela Merkel. Në atë atë takim do mësohet qëndrimi përfundimtar i Gjermanisë për çështjen e hapjes së negociatave.
PD ka akuzuar se Rama bën pushime me milionat që u ka zhvatur njerëzve.
“Harliset me Gjushin në Milano duke u kthyer shpinën shqiptarëve që i ka varfëruar, i ka lënë pa punë, i ka zhytur në drogë e krim, i ka dëshpëruar deri aty sa mendojnë vetëm si të ikin nga ky vend. Me Gjushin në Milano, lideri ballkanik dhe botëror, kalon edhe “hidhërimin” që i shkaktoi jo-ja gjermane për hapjen e negociatave për antarësimin në BE”, tha Arben Ristani në një reagim për mediat.
