Edhe pse u tentua ti bëhej një reklamë të madhe nga e gjithë shtetit e përfshirë disa media të urdhëruara nga kryeministri Edi Rama, muzeu Bunk’Art-2 ka pasaktësi skandaloze.
Ndoshta për shkak të punës së dobët, Carlo Bollino, i cili është emëruar kurator i përgjithshëm i këtij muzeu nuk ka pranuar deri tani asnjë media që të filmojë pa lejen e tij brenda muzeut.
Për muzeun janë hedhur dyshime për vërtetësinë e artifakteve të ekspozuara në BunkArt-2, por edhe të dëshmive të paraqitura si autentike.
Ndërkohë që Boldnews.al sjell një fakt për të kuptuar se çfarë pasaktësish të rënda që ka ky muze, që ka si synim kryesor pasurimin e Karlo Bolinos dhe jo dënimin e komunizmit.
Një fakt i rëndë është se në këtë muze mungojnë fotot e të pushkatuarve tek ambasada sovjetike në Tiranë.
Një detaj tjetër se një nga historitë e personave të paraqitur në muze është e pasaktë dhe e shtrembëruar.
Duke marrë historinë e Haki Rexhep Kodrës, Boldnews.al ka mësuar se ai ka lindur në Dibër dhe jo në Berat siç e kanë publikuar në muze.
Së dyti, familja Kodra ka kaluar plot 42 vjet internim dhe jo 10 siç është shkruar në muze, ashtu siç është gabim edhe vendi i pushkatimit.
Pra, sollëm vetëm një rast për të kuptuar se si është punuar në bunkerin e Bollinos.
Një rast i tillë është dokumentuar në këto pamje që tregojnë një ish-të persekutuar që vë në dyshim vërtetësinë e emrave dhe të dhënave të ekspozuara në një stendë të muzeut.
Boldnews.al, do të sjellë në ditët në vijim detaje të tjera nga ky bunker muze.
Ndërkohë që ky është bunkeri i dytë që merr nën administrim Carlo Bollino. Në pranverë të këtij viti, ai morri në heshtje edhe “Bunk’Art 1”, ish-bunkerin për mbrojtje atomike që në vitin 2014 u shndërrua në një muze turistik. Bollino përdorin një OJF të quajtur “Qendra URA” për të marrë nën administrim veprën e famshme. Por mediat zbuluan se “Qendra URA”, kjo OJF drejtohet nga zonjat Admirina Peçi, kërkuese historike dhe Irma Gordani, Financiere.
Zonja Peçi është redaktore në median Report-Shqiptarja.com të biznesmenit italian Carlo Bollino, ndërsa znj.Gordani ka qenë përfaqësuese ligjore e televizionit të Bollinos.
Kalimi i “Bunk’Art 1” dhe “Bunk’Art 2” në administrim të Carlo Bollinos ka qenë një operacion i kryer në mungesë të plotë transparence dhe i pashpallur nga autoritetet publike, siç ligji e kërkon.
Duket se këto dy monumente kulture, nga një simbol i shndërrimit të bunkerit atomik në qendër turistike, po kthehen në simbol të shndërrimit të një projekti kombëtar në marifet për të kapur median dhe për të favorizuar botuesit mediatikë si z. Bollino.
