Aleanca Kundër Importit të Plehrave dhe qytetarët do të dalin sërish në protestë kundër ligjit të importit të plehrave.
Protesta e radhës është njoftuar për ditën e enjte përpara Kuvendit, teksa do të nisë seanca parlamentare.
Kjo lëvizje e AKIP vjen pas publikimit të përgjigjes nga Brukseli në lidhje me importin e mbetjeve në Shqipëri. Sipas tyre ky nuk është qëndrimi i KE, por i vetëm një të eksperti të saj.
“Përgjegjës i një zyre të marrëdhënieve ndërkombëtare dhe zgjerimit në drejtorinë e Përgjithshme për Mjedisin në KE. Ky thekson se është opinioni i tij, jo i komisionit. Ne hedhim poshtë me neveri çdo tentativë nga iniciatorët e ligjit të plehrave për të manipuluar me shënimin e një burokrati të BE”, tha ambientalist Lavdosh Feruni.
Në seancën e së enjtes pritet të shqyrtohet në Kuvend dekreti i kthyer mbrapsht nga presidenti Nishani, ndërsa shoqëria civile do të bëjë barrikadë para Kuvendit për të ndaluar ligjin famëkeq.
Në këtë mënyrë, AKIP fton se kushdo që kërkon të jetojë pa plehra dhe interesohet për të ardhmen e fëmijëve të vet të protestojnë ditën e enjte para Kuvendit.
