Një person është ekzekutuar me armë zjarri pasditen e sotme në Fier. I riu është qëlluar disa herë me armë zjarri brendamakinës së tij.
Viktima është identifikuar si Nelgert Pata, ndërsa nuk dihet asgjë për autorët e vrasjes. Ai u gjet me plumba te shumtë në trup në makinën e tij tip Volkswagen me targa AA 166 IY.
Ndërkohë, hetuesit kanë gjetur në fshatin Zhupan edhe një makinë tip Benz të djegur.
Nga dyshimet paraprake mendohet se automjeti i djegur është përdorur nga vrasësit, të cilët pasi kanë kryer atentatin i kanë vendosur zjarrin për të humbur gjurmët. Dyshohet se më pas mund të jenë arratisur me një tjetër automjet.
Viktima Nelgert Pata u qëllua brenda makinës së tij në lëvizje. Makina e viktimës është tip Volkswagen me targa AA 166 IY. Policia ka ngritur postblloqe për të bërë të mundur kapjen e autorëve të dyshuar.
U qëlluan me 30 plumba kallashnikovi
Policia thotë se mjeti është qëlluar me breshëri kallashnikovi, ku janë shkrehur 30 plumba.
Ndërkohë në fshatin Zhupan të Fierit, në vëndin e quajtur “Mbikalimi” është gjetur duke u djegur mjeti tip “Benz” me portobagazh dhe brenda në mjet janë gjendur dy armë zjarri automatik.
Policia po punon për identifikimin dhe kapjen e autorit. Forca te shumta te Policise po krehin zonen ku u gjet automjeti me armet e zjarrit per te bere te mundur kapjen e autoreve.
Ne te gjitha rrugët qe lidhen me vendin ku u gjet automjeti i djegur janë ngritur pika kontrolli nga policia.
