Nga Boldnews.al
Veprimi i guximshëm i studentes Mirela Ruko ka trembur “Rilindjen”.
Jo se kanë frikë se lyhen me salcë, por nga frika e një revolte të të rinjve.
Dhe menjëherë janë hedhur në sulm ndaj studentes duke përdorur fyerjet nga më të ndryshmet.
Duke harruar që akte të tilla ndodhin kudo në Europë, dhe ku kurrë nuk është parë një histeri e tillë reagimesh.
Kulmin e këtyre e reagimeve e arriti sot kryetarja e Forumit të Gruas Socialiste, Olta Xhaçka.
Kjo e fundit duke përdorur një gjuhë të rëndë, arriti deri aty sa e cilësoi veprimin e vajzës si shprehje e një mjerimi të madh mendor dhe etik që meriton vetëm mëshirë.
Në fakt për mëshirë është vetë Xhaçka që e detyruar nga kryetari i partisë përdor fyerje të tilla ndaj një studenteje.
Por Xhaçka ishte vetëm e fundit në radhë në sulmet që iu bënë studentes.
I pari ishte politikani që di të vetëm të qeshë. Majko duke përdorur termin vandalizëm dënoi aktin e vajzës
“T’i imponohesh shoqërisë nëpërmjet vandalitetit na sjell pastaj tek kjo piramidë”, deklaroi Majko.
Ky i fundit si ish-drejtues i FRESSH-it në vend që të ishte me rininë për ti mbështetur ata ose minimumi për ti dëgjuar pse e kundërshtonin reformën e arsimit të lartë preferon më mirë të bëhet si lolo i oborrit të kryeministrit Rama që ky i fundit të bëjë gjithnjë batuta me të.
Nuk mund të mungonte reagimi i deputetit që flet për gjithçka, që nga futbolli e deri tek alienët. E kemi fjalën për Erjon Braçen.
“Dhuna eshte rrugaceri, kur ka fill ideologjik eshte fashizem! Lindite e mire! Rrugaceria nuk te fyen, kurre nuk te poshteron dot! Spurdhjaket qe rrinin sus dhe pranonin sistemin e korruptuar te kioskave universitare qe ti shembe, kaq dine, kaq bejne, kurre punen qe ti bere. Fali si nxenesit e tu te dobet. Ke nje jete qe ke patur plot te tille. Dhe do kesh, patjeter do kesh, shkruante Braçe.
Por çfarë mund të shtosh më shumë për këtë deputet që duket fiks si spjurdhak?
Ndërkohë që edhe një sërë rrogtarësh të tjerë të Rilindjes u rreshtuan kundër vajzës duke tentuar të ulin zërin e revoltës, duke e fyer atë, duke përdorur mënyrat më të ulta të propagandës.
Këto reagime tregojnë se Rilindja ka frikë tashmë nga populli. Ka frikë nga revolta e të rinjve një vit para zgjedhjeve, kur kasta që e cilëson veten të majtë nuk ka mbajtur deri tani asnjë premtim, por vetëm ka dhënë shfaqje.
