Nëpërmjet disa tregimeve dhe barcaletave në Nju Jork ashtu me stilin e tij për t’u dukur ekzotik kryeministri Rama u tha të pranishmëve se si një ish-ministër socialist ishte hajdut, dhe jo vetëm hajdut material por edhe shpirtëror, ose artistik.
Me siguri Rama i njeh mirë marrëdhëniet publike ndërkombëtare dhe e di mirë se çfarë duan të dëgjojnë të huajt nga kjo pjesë e botës ku ne jetojmë dhe ua server atyre.
Me këtë Rama fyen dhe denigron këdo që i del para si personazh duke na treguar se si mund ti denigrosh këta njerëz ti quash dhe hajdutë në këtë moshë sërish nuk ka problem për sa kohë që je njeri i pushtetshëm.
Edi Rama u merr nderin këtyre njerëzve sepse e di si janë ai i njeh shumë mirë. Mbi qafën e këtyre hipi për tu bërë kryetar i Partisë Socialiste dhe tashmë edhe kryeministër i Shqipërisë.
Dhe Edi Rama ka plotësisht të drejtë. Nëse vë re reagimin e të ashtuquajturit profesor Et’hem Ruka në një moshë kaq madhore ku nuk ka çfarë i duhet më gjë tjetër përveçse pak nder, ndien një neveri të madhe për njeriun e ri të krijuar gjatë socializmit në Shqipëri.
Ai nuk guxon ti thotë gjë kryeministrit për qeverisjen e tij, asnjë fjalë. Ai i kujton se si i ka bërë një nder dikur Edi Ramës kur PD-ja po e sulmonte. Ai i kujton se si i ka bërë nder duke ja ruajtur këto piktura. Në reagimin e Rukës vihet re se kërkon keqardhje dhe e shet veten e tij si viktimë duke lënë të nënkuptuar se ndoshta media i ka keq interpretuar deklaratat e udhëheqësit.
Ka plot gjëra që këtu në Boldnews jemi kundër qeverisë Rama dhe kundër Edi Ramës si kryeministër, por s’kemi ç’themi për këtë rast.
Ky stan këtë bulmet ka dhe Rama e di mirë këtë gjë.
Kryeministri di mirë si ti kalëroj këta njerëz që janë aq të indoktrinuar sa mund ti quash edhe hajdutë dhe të mos kenë fare kurajo dhe shtyllë kurrizore të të kundërshtojnë vetëm e vetëm se kanë frikë nga pushteti. Këta janë eunukët me shumicë në shoqërinë shqiptare të të gjitha krahëve politike, shtresave shoqërore dhe krahinave të ndryshme që i kthejnë në idhuj faraonët dhe janë gati ti ulin vetë pantallonat mjafton që udhëheqësi të ketë oreks tua ngopi ndonjëherë.
*Ky shkrim është një falënderim nga Roja i redaksisë për Kryeministrin Rama, që ia çorri maskën rojës së pikturave të tij
