Edhe pse ndëshkoi rëndë Shqipërinë në ndeshjen përballë Izraelit, arbitri (turko-gjerman) Deniz Aytekin ka shfaqur sërish shenja rracizmi dhe diskriminimi. Në mesnatë atij i është bllokuar faqja e tij në facebook, por për këtë ai bën përgjegjës shqiptarët.
Në një postim në facebook, Aytekin shkruan:
“Kjo është faqja ime e re në facebook, pasi disa shqiptarë të çmendur më mbyllën atë të parën”
Por pas kësaj, një lum komentesh kanë vërshuar ndaj albitrit që akuzon padrejtësisht shqiptarët. Madje disa prej tyre kanë postuar foto të albitrit gjatë ndeshjes por të veshur me fanellën e Izraelit, për të ironizuar qëndrimin e tij.
Një ditë më parë Izraeli i shkaktoi një humbje të rëndë në “Elbasan Arena” Shqipërisë me rezultatin 0-3, ku arbitri Aytekin ishte protagonist absolut i ndeshjes, me akordimin e dy penalltive dhe dy kartonëve të kuq, në dëm të skuadrës sonë përfaqësuese.
Në 20 ndeshjet e fundit, ky arbitër nuk kishte dhënë asnjë karton të kuq, ndërkohë që mbi Shqipërinë përdori kamzhik duke nxjerrë dy lojtarë jashtë fushës.
Nga Boldnews.al
