Televizioni A1 News që u bë i njohur për shkarkimin e gazetares Alida Tota pasi kjo e fundit investigoi për vrasjen e Arditit në Sharrë nuk ka paguar rrogat e gazetarëve.
Si rrjedhojë gazetarët kanë braktisur punën.
Siç duket shkarkimi i gazetares Tota me urdhër të kryebashkiakut Erion Veliaj ka qenë një ogur i keq për këtë televizion.
Në mbështetje të gazetarëve të këtij televizioni ka ardhur menjëherë Unioni i Gazetarëve Shqiptarë që i kërkon Autoritetit të Mediave Audiovizive, Inpektoriatit të Punës dhe Drejtorisë së Përgjithshme që të tatimeve të ndërhyjnë urgjentisht.
Deklarata e UGSH për reagimin protestues te gazetareve dhe punonjësve te A1News
Unioni i Gazetareve Shqiptare është njoftuar sot nga gazetarë dhe punonjës te A1 News Televizion se stafi i këtij enti mediatik në shenjë proteste ka ndalur punën dhe raportimin për shkak te vonesave te pagave për një periudhë të konsiderueshme.
Gazetarët e kësaj medieje kanë ndërprerë punën, duke ju drejtuar administratorit dhe drejtuesve te televizionit me kërkesën për shlyerjen e detyrimit të pagave të pa marra.
Unioni i Gazetarëve Shqiptarë mbështet plotësisht reagimin e gazetarëve dhe stafit të televizionit dhe u kërkon pronarëve dhe administratorit të televizionit të shlyejnë urgjentisht pagat e gazetarëve.
Kërkojmë nga Autoriteti i Mediave Audiovizive (AMA), Inspektoriati i Punës dhe Drejtoria e Përgjithshme e Tatimeve të ndërhyjnë urgjentisht për respektimin e ligjit që mbron dhe shpreh te drejtat e punonjësve. UGSh bën me dije se është tashmë pjesë e protestës së gazetarëve dhe kërkon që situata të tilla të gjendshme edhe në media të tjera të vendit te marrin fund një orë e më parë.
