Policia e Gjirokastrës ka zbuluar një pyjet e Lunxhorisë, një kapanon të improvizuar, ku u gjetën në proces tharjeje 370 rrënjë kanabisi.
Bimët e gjetura në fshatin Këllëz u dogjën ndërsa policia, pas informacioneve në rrugë operative, ka shpallur në kërkim një banor të zonës me iniciale D.G.
NJOFTIMI I POLICISË
Vijojnë operacionet nga Drejtoria Vendore e Policisë Gjirokastër për evidentimin dhe goditjen e vendmagazinimeve të bimëve narkotike. Një tjetër operacion është zhvilluar nga Komisariati i Policisë Gjirokastër.
Evidentohet një kapanon që shërbente për tharje të bimëve narkotike. Asgjesohen 370 bimë në proces tharje brenda kapanonit. Shpallet në kërkim një shtetas.
Operacioni u zhvillua në territorin e fshatit Këllëz, Lunxhëri, në një zonë të pyllëzuar, ku u evidentua një kapanon i improvizuar brenda të cilit u gjetën në proces tharje 370 bimë narkotike të llojit Cannabis Sativa.
Bimët u asgjesuan në vend me anë të djegies.
Mbi bazën e informacioneve të marra në rrugë operative policia e Gjirokastrës ka shpallur në kërkim shtetasin D.G , banor i zonës, ku vijon puna për kapjen e tij.
