Kryeministri Edi Rama ka takuar Presidentin e Kosovës sot në një takim informal, pas debateve dhe përplasjes me autoritetet e Kosovës për marrëveshjet e nënshkruara në Beograd dhe deklaratat e bëra me homologun Aleksandar Vucic.
Por, Rama është parë i veshur me antiplumb. Mediat kosovare kanë fotografuar kryeministrin e Shqipërisë me xhinse, këmishë dhe një jelek të zi sipër por dukshëm i fryrë. Fotot janë shpërndarë nga ish-kryeministri Sali Berisha i cili thekson edhe faktin që Rama është me antiplumb. Por nga se ka frikë Edi Rama dhe cfarë e ka detyruar atë të mbrohet edhe në një vizitë jozyrtare? Përvec kësaj vihet re edhe qëndrimi dhe shikimi i kryeministrit, i cili duket sikur ruhet nga dicka.
“Ne Prishtine, vigjilent dhe me antiplumb! Sb”, shkruan Berisha në Facebook.
A ka pasur ndonjë kërcënim kreu i qeverisë që ka bërë që ai të mbrohet aq shumë sa të bjerë edhe në sy? Kujtojmë se deklaratat e tij në Beograd nuk i pëlqyen qeverisë kosovare. Ministri i Jashtëm Enver Hoxhaj tha se Kosova ka institucionet e veta dhe mund të përfaqësohet vetë në Beograd.
Edhe pse vizita e Kryeministrit Edi Rama në Prishtinë është informale, nuk dihet arsyeja përze zgjodhi të takohej me Presidentin Thaçi. Asnjëri prej tyre nuk ka bërë asnjë koment për mediat kosovare.
