Deputeti Ben Blushi ka nisur ‘fushatën’ për projektin e tij të ri politik me një premtim që ka të bëjë me ekonominë.
Blushi thotë se paga minimale në Shqipëri është më e ulëta në Europë dhe se ky fakt është burim skllavërie. Ai thotë se rritja e pagës minimale do të jetë një nga çështjet kryesore të Projektit të Ri Politik.
“Shikoni sa është paga minimale në Shqipëri. Më e ulëta në Europë. Të gjithë ata që thonë se pagat e ulëta thithin më shumë investime të huaja e kanë gabim. Shqipëria është vendi i fundit në rajon për investimet e huaja direkte. Pagat e ulëta janë burim skllavërie, varfërie, emigracioni dhe injorance. Një shtet që lejon që paga minimale të jetë 700 leke në ditë është mizor dhe i pashpirt. A duhet të rritet paga minimale? Pa asnjë dyshim. Do jetë një nga çështjet themelore të Projektit te Ri Politik. Sa më shumë të varfër aq më pak të pasur. Sa më pak të varfër aq më shumë të pasur!”, shkruan Blushi në Facebook.
