2017-ta do të jetë viti i rritjes së pagave së rektorëve dhe drejtuesve të arsimit të lartë.
Në një takim të mbajtur me këta të fundit paraditen e sotme, kryeministri Edi Rama u shpreh se rritja e pagave do të jetë më e larta që kjo kategori ka njohur deri sot.
Nga fondi total për arsimin në paketën financiare, që është 18 mln dollarë, Universiteti do të marrë 5 milionë dollarë. “Për 2017 do t’i rrisim pagat në Arsimin e Lartë siç nuk janë rritur asnjëherë më parë. Kjo do ndodhë për gjithë arsimin, por tani këtu jemi për arsimin e lartë. Fondi i përgjithshëm i rritjes për arsimin në paketën financiare është 18 milionë USD, universiteti do të marrë 5 milionë USD. Kjo është një rritje shumë më e lartë se sa në ccdo vit të mëparshëm. Janë 3260 punonjës që do të shpërblehen. E thënë ndryshe, profesori i Universitetit do të marrë 139 mijë lekë të vjetra më shumë në muaj. Ndërsa lektori 103 mijë lekë më shumë. Ata që janë struktura mbështetëse dhe që kanë pagë minimale do të kenë rritje 35%” tha Rama.
Shefi i qeverisë thumboi ish-rektorin Kule kur tha: Po mbaj premtimin tënd në fushatë.
“Nuk e di si e kishte menduar ish rektori rritjen e pagave, por unë jam këtu për t’u thënë që premtimi I tij do realizohet dhe e kam zili se imagjino sa bukur do ishte për mua sikur premtime të miat ti realizonte dikush tjetër” tha Rama.
“Nuk di sa e keni parasysh, Dhori e ka, një raport të BB mbi buxhetin kombëtar për arsimin, ku shifra ishte 3.2%, nga kjo e shkruave vetëm 1.9% shpenzohet realisht për nevojat e arsimit, kjo është dicka për të reflektuar, ne e kemi reflektuar dhe kemi rritur efektivitetin brenda shifrës së përcaktuar si pjesë e buxhetit kombëtar për arsimin. Dhori këtë nuk do ta thotë, por në 2013, që ishte vit politik, buxheti i MAS për fakultetet nuk mjaftonte për të mbuluar pagat e pedagogëve dhe shuma e atij viti, mbulonte 9 muaj paga, për tre të tjerë mbetën pa paguar” tha Rama.
