Censura e mediave dhe portaleve online vijon në Shqipëri si asnjëherë më parë. Kësaj radhe është italiani kontrovers Carlo Bollino i cili prej vitesh është i fokusuar në bizneset mediatike në Shqipëri.
Ashtu si kryebashkiaku i Tiranës, Erion Veliaj i cili mbylli emisionin “Públicus”, Carlo Bollino ka bllokuar portalin mediatik Hashtag Albania, i administruar nga gazetari Habjon Hasani, dikur ish-bashkëpunëtor i Karlos.
Bollino është ankuar se janë përdorur emri dhe fotot e tij pa autorizim në disa shkrime të Hashtag. Vetë Hasani ka sqaruar se çfarë ka ndodhur me portalin dhe censurën e ndërmarrë nga Bollino.
“Kompania hostuese e HashtagAlbania ka ndërprerë provizorisht shërbimin për ne dhe gjejeni pak pse? Karlo Bolino u është ankuar sepse i kemi përdorur emrin në histori të pavërteta dhe të sajuara si dhe pse kemi përdorur fotot e tij pa autorizim. Historitë e sajuara që pretendon Bolino janë pjesë e rubrikes satirike Inbox që është krijmtari.
Ndërsa fotot e përdorura prej nesh janë lehtësisht të aksesueshme në internet dhe asnjëherë nuk është shmangur logoja apo pronësia intelektuale e mediave të tij. Në do ta riaktivizojmë faqen shumë shpejt, pasi ankesa e Bollinos është kryekëput mashtrim dhe dashakeqësi. Por me këtë rast dua ti them klientit të qeverisë dhe pseudogazetarit Bolino: Vetëm kaq di të besh? “Spurdhjaku” qenka maksimumi jot? Aq me mire për ne KaroKarlo!”, deklaron Hasani.
Por shqiptari i natyralizuar Bollino përveç mbylljeve që po u bën mediave online, nga ana tjetër përpiqet që të hedh baltë mbi gazetarët të cilët investigojnë aferat korruptive të qeverisë dhe Bashkisë së Tiranës.
Bollino sponsorizon disa shkrime në portalin e tij shqiptarja.com që në përmbajtje kanë denigrimin e figurës së gazetarëve investigativ. Ky sulm ndaj fjalës së lirë, e rendit botuesin italian në të njëjtën vijë me ata që sot po vjedhin pasurinë publike.
Ky është zëri i dytë opozitar që goditet fare hapur nga qeverisja dhe njerëzit pranë tyre. Pak ditë më parë Veliaj mbylli emisionin investigativ “Publicus” që do të transmetonte me fakte, zë e figurë mashtrimin e tij me landfillin e Sharrës dhe përgjegjësinë për vrasjen makabre të 17-vjeçarit Ardit Gjoklaj. Por investigimi arriti të shpërndahej me mijëra herë në pak orë ndërkohë që u transmetua edhe në Opinion në TV Klan.
Veliaj akuzoi media si Boldnews dhe Hashtag se financohen nga opozita duke mos iu përgjigjur akuzave ndaj tij.
(Boldnews)
