Ashtu si çdo të entje në seancat parlamentare nuk mungojnë akuzat por edhe batutat që drejtohen mes deputetëve.
Seanca e sotme parlametare nisi me kërkesën e Partisë Demokratike për importin e plehrave, ku deputeti i PD-së Eduart Halimi u shpreh se duhet ta vendos populli nëse duhet apo jo të import ii mbetjeve. Më pas fjalën e mori kreu i qeverisë Edi Rama i cili akuzoi opozitën se po pengon reformën në Drejtësi.
Teksa kryeministri Rama po fliste në Parlament, mbërriti ish kreu i qeverisë, Sali Berisha. Rama e ndërpreu fjalimin për 6 ligjet e Reformës në Drejtësi dhe ftoi Berishën të ulej.
“Hajde Sali hajde, hajde se i zuri gjumi këta. Ku e ke shaminë? Shaminë ku e ke? Ulu Sali se të paska humbur shamia. Ulu të të hapen pak sytë se je përgjumësh. Se je zgjuar vonë sot”, tha Rama.
Por Berisha e nisi menjëherë ‘sulmin’ duke i kujtuar kreut të qeverisë rrëzimin në Strasburg të 3 kandidatëve të Qeverisë, dy prej të cilëve janë kunetër të Fatmir Xhafës dhe Mimi Kodhelit. “O xhemal. O xhemal. Ti ktheu Strasburgu kuneterit o shoku Xhemal”, tha Berisha.
Si përgjigje, Rama i kujtoi baxhanakun e Berishës, i cili mbeti i vrarë në tragjedinë e Gërdecit. “Je i vetmi shqiptar që nuk njeh baxhanakun. Meqë ra fjala je prezantuar me baxhanakun më mbrapa, apo nuk e njeh kush ishte?”, u përgjigj Rama.
Në fund të fjalës kryeministri i vendit Edi Rama i është drejtuar ish kryeministrit Sali Berisha duke komentuar me anë të batutës se kush do e replikojë fjalën e tij. “Shiko, Berisha i thotë Halimit dil ti se unë do dal pastaj. Doktori i thotë infermierit.”
