Kryeministri Edi Rama ka reaguar për herë të parë për atë që po ndodh në Valbonë. Ndërsa i është përgjigjur një komentuesi në Facebook lidhur me ndërtimin e hidriocentraleve në zonën e Valbonës, kundër të cilave ka nisur një debat shumë i madh dhe madje janë paralajmëruar protesta, Rama tha se për anulimin shteti duhet të paguajë shumë para.
Komentuesi: E vertete qe HEC-et jane firmosur ne kohen e Berishes, por kjo smund te jete alibi per ju…. Shumica ju votoi pikerisht se nuk donte te qeverisej me nga Berisha e vendimet e tij. Ndaj, nese doni te mbeteni ne histori, duhet te prishni kontratat me perfaqesuesit e HEC-eve ne Valbone, e, madje le ti demshperbleni nga taksat tona, nese vetem kjo eshte zgjidhja. Me mire te na ikin ca leke duke mbrojtur Valbonen, se sa te shkojne ne xhepat e politikaneve… Artistet dhe populli jane bashke: Mos ma prek Valbonen!
Rama u përgjigj: “Kemi anulluar plot e plot, por jo pasi janë mbyllur kontratat, sepse për një kontratë të mbyllur, shteti duhet të paguajë në arbitrazhe ndërkombëtare shumë më tepër se sa çfarë mund ta imagjinosh në ëndrrën më të keqe”, ishte përgjigja e Ramës për qytetarin”
