Policia italiane dhe ajo shqiptare në bashkëpunim me njëra -tjetrën kanë kapur një tjetër gomone me marijuanë drejt brigjeve të Italisë. Në pranga kanë rënë dy skafistët shqiptarë.
Sipas njoftimit të policisë në gomone janë gjetur 30 pako me marijuanë, ndërsa të arrestuarit janë dy skafistët 36 -vjeçari D. A dhe 38 -¬ vjeçari A. B, të dy nga qyteti i Vlorës.
Gomonia ishte nisur në afërsi të vendit të quajtur Kepi i Gjuhzës. Policia thotë se në ndjekje të mjetit lundrues u vunë shërbimet e Repartit Special “Delta” dhe të Njësisë së Guardia di Financa në Vlorë dhe njëkohësisht operacioni u koordinua me shërbimet e Guardia di Financa të Barit. Rreth orë 02.10, autoritetet italiane në afërsi të Leçes, kanë arritur të identifikojë dhe të ndalojë mjetin e lundrimit tip gomone me motor 250 kuaj fuqi.
Autoritetet italiane, në bashkëpunim me Policinë e Shtetit, po punon për dokumentimin e plotë veprimtarisë kriminale të personave të arrestuar.
