Nga Boldnews.al
Burime konfidenciale për Boldnews.al konfirmojnë se Operatori i Shpërndarjes së Energjisë Elektrike (OSHEE) ka nisur një aksion në mbarë vendin për mbledhjen e detyrimeve të prapambetura. Kjo vjen pas zgjedhjeve në Dibër ku akuzat nga opozita nuk kanë munguar se ky institucion shtetëror mbështeti me miliona euro fushatën e kandidatit e majtë Muharrem Ramën.
Pranë redaksisë së Bolndews.al, vetëm në kryeqytet kanë mbërritur me dhjetra ankesa për ndërprerje të energjisë elektrike në mënyrë arbitrare. Bëhet fjalë për ato familje të cilat kanë patur 1 muaj pagesa të prapambetur, OSHEE u ka ndërprerë dritat. Ky vendim ultimatum ka shkaktuar një radhë pakënaqësie tek qytetarët të cilët deri para pak javësh kishin mundësi që të paguanin energjinë elektrike deri në 2 muaj me vonesë, por me kamatë.
Por sot situata ka qënë ndryshe ku qytetarë që për arsye kohe apo edhe pamundësie nuk kishin paguar energjinë për muajin korrik, “pincat” e OSHEE u kanë mbërritur në shtëpi për t’i ndërprerë dritat.
Ndërkohë nuk kanë munguar edhe sherret në disa sportele të OSHEE. Shumë prej banorëve që kanë bërë pagesa me anë të bankës ose me postë e kanë gjetur sërish veten pa energji elektrike. Kjo pasi sistemi i vjetër i OSHEE ende është i vjetër, pavarësisht se u merr shqiptarëve miliarda lekë në muaj.
Ata janë paraqitur me fatura në duar për të treguar se kanë paguar në kohë energjinë elektrike, por sistemi elektronik i OSHEE nuk është përditësuar e për rrjedhojë janë ndërprerë dritat. Banorët kanë filluar të bërtasin pasi kishin lënë punët për të shkuar pranë sporteleve dhe verfikuar pagesën e kryer ndaj OSHEE.
Përveç familjarëve, edhe shumë biznese kanë mbetur pa energji elektrike duke rrënuar tërësisht ekonominë e tyre. Më të dëmtuarat kanë qënë restorante dhe baret kur për shkak të mungesës së dritave me dhjetra klientë kanë braktisur ambjentet.
Por mesa duket të gjitha këto probleme nuk i kanë bërë përshtypje Administratorit të OSHEE Ardian Çela dhe Ministrit të Energjisë Damian Gjiknuri. Ky i fundit, i dehur nga fitorja në Dibër ka “urdhëruar” që paratë e shpenzuara të OSHEE në Dibër të zëvendësohen nga hallexhinjtë dhe qytetarët shqiptarë.
