Ferrari ka konfirmuar se do të ndërtojë një veturë të fundit të LaFerrari për tu ndihmuar familjeve te viktimave të tërmetit qe ndodhi së fundmi në Itali.
Road and Track raporton se lajmi është dhënë nga shefi ekzekutiv i kësaj kompanie Sergio Marchionne në Maranellu, transmeton Express. Ky Ferrari shtesë do të rrisë numrin e ekzemplarëve të prodhuar të këtij modeli nga 499 në 500.
Sapo ky Ferrari të prodhohet ai do të nxjerrët për shitje në një ankand publik. Nuk dihet data se kur do të dalë në shitje ky ekzemplar i veçantë.
Por kjo nuk është hera e parë që Ferrari tejkalon numrin e modelit të kufizuar të veturave. Në fakt kompania kishte prodhuar ekzemplarin e 400 të modelit Enzo për papën John Paul II. Kjo veturë më vonë i ishte shitur një koleksionuesi Amerikan dhe mjetet e grumbulluara ishin dhuruar për ndihma humanitare. Kjo veturë Enzo u bë modeli më me vlerë në botë duke u shitur për 6.05 milion USD vitin e kaluar.
Tërmeti i javës së shkuar në Itali vrau gati 250 njerëz, u lënduan mijëra të tjerë dhe një qytet i vogël u shkatërrua i tëri.
