Kryeministri Rama la te kuptohet sot se Aleanca per Shqiperine Europiane do te vazhdoje te funksionoje edhe ne kater vjecarin e ardhshem.
Ne konferencen ne Facebook, duke iu pergjigjur pyetjeve te qytetareve, ai tha se do te ulet se shpejti me aleatet per te diskutuar per mandatin e dyte.
“Unë e di shumë mirë që koalicioni ka shumë mbështetës. Koalicioni duhet parë në dy nivele: në nivelin e përditshmërisë që patjetër që ka shumë e shumë probleme. Këtu flas në marrëdhëniet e administratës. Dhe në nivelin e qëllimit dhe objektivit afatgjatë. Nëse në rastin e parë ka shumë gjëra për të korrigjuar, ka jo pak gjëra për të kërkuar ndjesë për mënyrën se si ndërtohen marrëdhëniet me qytetarët, në nivelin strategjik koalicioni i ka bërë një shërbim të madh këtij vendi. Ky koalicion është garancia për reforma që po modernizojnë Shqipërinë”, u shpreh Rama.
Por teksa foli per nje mandat te dyte te ketij koalicioni, ai nuk la pa permendur edhe Partine per Drejtesi, Integrim dhe Unitet.
“Njerëzit e kërkojnë dhe e meritojnë një përgjigje. Së shpejti do ulemi në tryezën e koalicionit dhe do diskutojmë projektin e katër vjeçarit të ardhshëm. Do vendosim si do paraqitemi para shqiptarëve për mandatin tjetër. Sot koalicioni ka edhe një komponent të ri, që është PDIU. Është një diskutim i nevojshëm, duhet bërë serioz, por të gjithëve u them se ky koalicion në gjykimin e të përditshmes mund të ketë shumë gjëra për të rrudhur buzët, por në gjykimin e strategjikes është një koalicion që po transformon Shqipërinë”, u shpreh me tej Rama.
Kreu i Qeverise prej kohesh po i meshon fort aleances me PDIU¬ne dhe kjo vjen ne nje kohe kur ne korridoret e politikes po flitet gjithmone e me shume per zevendesimin e partise se Shpetim Idrizit me LSI¬- -ne.
