Krimi makabër i kryer nga një person me probleme mendore një ditë më parë në Palasë të Vlorës ka vënë në lëvizje autoritetet që të tregojnë më tepër kujdes në trajtimin e kësaj kategorie personash.
Ndërkohë ish-shefi i komisariatit të policisë së Vlorës, Agim Basha, nëpërmjet një statusi në rrjetin social Facebook deklaron se vetëm në Vlorë janë 1600 persona me probleme mendore, të cilët mund të shfaqin rrezikshmëri për shoqërinë.
“Shifra ishte befesuese, rreth 1600 persona kishin probleme me shëndetin mendor. Kishte dhe disa qindra që e mbanin të fshehtë. Dhjetra prej tyre ishin agresivë që për publikun dhe policinë do te thotë rrezik. Edhe pse identifikuam personat, adresat e banimet, vendosëm komunikim me familjarët duke i udhëzuar dhe aksesuar për çdo rast, kuptova pamundësinë e Policisë”, shkruan Basha.
Nga ana tjetër përfaqësues të spitali psikiatrik të Elbasanit deklarojnë se institucionet spitalore pasi stabilizojnë gjendjen e pacientëve i rikthejnë sërish në familje, por nuk mund të japi garanci për veprimet e tyre.
Më tej Muça shpjegon edhe procesin e trajtimit të pacientëve deri në daljen e tyre nga spitali.
Sipas të dhënave nga spitali psikiatrik i Elbasanit vetëm vitin e shkuar kanë marrë ndihmë mjekësore dhe më pas janë larguar afro 400 persona. Kapacitetet e këtij spitali janë 310 deri në 315 shtretër.
