Kryeministri Rama prej ditësh publikon në profilin e tij në “Facebook” fotografi nga qytete të ndryshme të investimeve të bëra, por shpesh është kritikuar për mungesën e investimeve edhe në zona të tjera përveç qendrave të qyteteve.
Për këtë arsye Kryeministri ka dashur t’i përgjigjet kritikëve, duke shkruar se në 25 vjet janë bërë vetëm arnime dhe tashmë qeveria e ka nisur punën me themel, por sërish është përballur me të tjerë kritikë, të cilët i kujtojnë edhe problemet e shumta që ka shëndetësia.
“Ore, po me shëndetësinë si do të shkojë halli?”, shkruan një prej komentuesve.
Të tjerë i kujtojnë Kryeministrit problemet e tyre, duke u shprehur se nuk kanë nevojë vetëm për rregullimin e qendrave të qyteteve apo të stadiumeve, por edhe për lagjet ku ata jetojnë.
