Nga Boldnews.al
Denoncimi i një kredimarrësi ka nxjerrë zbuluar BKT-në dhe BSH-në, të cilat dyshohet se kanë bashkëpunuar me qëllim shmangien e tatim-fitimit.
Boldnews.al botoi një vendim gjykatë, ku tregohej qartë skema sesi banka e nivelit të dytë dhe ajo qendrore kanë bashkëpunuar me njëra-tjetrën. Në këtë pjesë të dytë, Boldnews.al do të botojë edhe emrat e dëshmitarëve që do të thirren nga Prokuroria e Tiranës për të pyetur.
Sipas vendimit, gjykata pasi dëgjoi me vëmendje pretendimet e palëve arriti në përfundimin e plotë, bazuar në të gjitha provat e ndodhura në procedimin penal nr.5864 të vitit 2015 gjatë shqyrtimit gjyqësor se kërkimi i Olsi A., është i drejtë dhe i bazuar në prova, në ligj dhe si i tillë duhet pranuar. Vendimi i prokurorisë për mosfillimin e procedimit penal, duhet të prishet dhe duhet t’i rikthehet organit të prokurorisë për hetime të mëtejshme.
“Gjykata çmon se në hetimet e mëtejshme, Prokuroria e Tiranës duhet të kryeje këto veprime hetimore: Të pyesë kallëzuesin Olsi A. Në lidhje me pretendimet e tij të pasqyruara në kallëzimin penal” thuhet në këtë vendim.
Sipas saj, “prokuroria të pyesë shtetasit: Andi Kruja, Arjana Xhafaj, Besnik Dervishaj, Avenir Nuredini, Deniz Dërralla, Fatbardha Kore, Helena Shëngjergji, Indrit Banka, Ledio Xverku, Migena Çena, Nexhmi Bajraktari, Turan San, Veronika Prifti, Adnand Shakaj, Martjola Golloshi, Fatih Karli, Rezarta Tërnova, Albert Shehu, Xhiliola Xhixha, Miranda Kaçani, Ardian Spahiu, Artemida Pira, Altin Naqe, Bulent Kasaci, Seyhan Pencapligil” thuhet në vendim. Sipas tij, këta persona janë punonjës në Bankën e Shqiperisë, BKT-së, Komisionerit për Mbrojtjen e të Dhënave Personale dhe Informimit dhe noter publik. Kujtojmë se zotërinjtë Turan San, Fatih Karli, Bulent Kasaci dhe Seyhan Pencapligli janë drejtues të lartë të BKT-së. Ndërkohë, Altin Naqe është drejtor juridik në Bankën e Shqipërisë, ndërsa të tjerët janë punonjës të BSH-së, apo BKT-së, si dhe noterë.
Sipas vendimit të gjykatës, prokuroria duhet të administrojë të dhënat kompjuterike në regjistrin e kredive të Bankës së Shqipërisë, të dhënat kompjuterike në serverin e Bankës Kombëtare Tregtare si dhe të dhënat e llogarive dhe shenjat e mbetura në serverat e Bankës Kombëtare Tregtare tre degët (Tirana 1, Shkolla e Baletit dhe Laprakë) dhe BSH-në për çdo veprim të shtetasit Olsi A. “Prokuroria duhet të administrojë Tek Banka Kombëtare Tregtare mandatin e arkëtimit origjinal për shumën e disbursuar të kredisë, huasë në vitin 2004, sipas pikës 6.2 të kontratës nr. 735 rep dhe nr. 193 kol. Kontratat e llogarive, dokumentet identifikuese e dokumentacionin e plotë dhe statementet e llogarive tek dega Tirana 1 hapur në 2004-ën deri në 2016-ën. Për llogarinë në fjalë të merren edhe të dhënat apo shenjat e mbetura në sistemin, serverat kompjuterikë të BKT-së. Kontratat e llogarive, dokumentet identifikuese, dokumentacionin e plotë dhe statementet e llogarive tek dega Shkolla e Baletit e hapur në 2008-ën deri në 2016-ën. Kujtojmë që për këtë llogari më datë 17.3.2015 ka pasur ndryshime rifreskim që janë të pavlefshme dhe duhet që prokuroria të marrë dy palë të dhëna për llogarinë.
Prokuroria të vlerësojë nëse BKT ka llogaritur kredinë në bazë të Kontratës noteriale nr. “735 rep dhe nr. 193 kol” me interesin e barabartë, euribor + 6%. Te administrohen nga prokuroria procesverbalet, akt-konstatimet, llogaritjet, vendimet e Bankës së Shqipërisë për ankesën e shtetasit Olsi A. që ka bërë në BKT apo për BKT-në në zyrat e BSH-së” thotë gjykata.
Ekskluzive/ Mashtrimi me kreditë, prokuroria e Tiranës heton BKT-në dhe BSH-në (Pjesa I)
