Nga Boldnews.al
Pas vrasjes së një punonjësi të OSHEE në krye të detyrës, qeveria është bërë tepër e ndjeshme dhe ka vendosur të rrisë pagat e tyre me 28.73 %. Por ky vendim ka sjellë irritim në radhët e administratës publike por edhe tek pensionistët.
Qeveria miratoi fondin dhe strukturën e re të pagave për rreth 5 mijë e 200 punonjës të Operatorit të Shpërndarjes së Energjisë. Më shumë nga rritja e pagave do të përfitojnë 2 mijë e 440 elektricistë.
Me këto superpaga, punonjësit e OSHEE kalojnë edhe policinë e shtetit e cila përballet çdo ditë me vështirësi të ndryshme. Nëse për OSHEE ishte rasti i parë ku një punonjës i saj vritet, në Policinë e Shtetit kanë humbur jetën me dhjetra efektivë dhe qeveria nuk është treguar asnjëherë e ndjeshme për të rritur pagat e tyre pas çdo jete të humbur.
Por përveç Policisë së Shtetit, janë me dhjetra punonjës të administratës që punojnë në kushte tepër të vështira dhe me paga minimale.
Ndërkohë absurdi shkon edhe me tej, ku pak javë më parë një vendim qesharak rriste pensionet me 1.4 % ose e kthyer në shifra i binte nga 130-220 lekë.
Kjo tallje me pensionistët dhe punonjësit e Policisë së Shtetit tregon edhe njëherë përkushtimin e qeverisë ndaj institucioneve që vjelin të ardhura që në fund ndahen mes oligarkëve që janë pranë pushtetit.
