17-vjeçari Ardit Gjoklaj është aksidentuar për vdekje nga eskavatori i plehrave në landfillin e Sharrës, ku ishte punonjës sezonal.
Kështu deklaron policia e Tiranës, një ditë pasi trupi i 17-vjeçarit u gjet mes plehrave në landfill, ndërsa ka arrestuar edhe 4 punonjës të firmës, mes tyre edhe drejtuesin e eskavatorit.
Në pranga janë vënë:
• Besnik Braha, 53 vjeç, banues në Tiranë, me detyre përgjegjës firme;
• Edmond Kollari, 40 vjeç, banues në Tiranë, drejtues eskavatori;
• Dëfrim Hakrama, 44 vjeç banues në Tiranë, përgjegjes turni;
• Bujar Daja, 45 vjeç, banues në Kavajë, përgjegjës i punonjësve.
Gjithashtu po punohet për kapjen e shtetasit E.T., 48 vjeç, banues në Peqin, administrator i firmës “3 K SH.P.K”.
Arrestimi i tyre i bë sepse në orën 14:30, tek Landfilldi i Sharrës, në grumbullin e mbeturinave, është gjetur kufoma e shtetasit A . Gj, 17 vjeç, banues në Kombinat, i cili ishte punonjës sezonal në Landfillid, i pa regjistruar tek firma “3K SH.P.K” dhe dyshohet se është aksidentuar për vdekje nga një mjet tip “Eskavator me kova”, gjatë punës në Landfilld.
Materialet procedurale iu referuan Prokurorisë Pranë Gjykatës së Shkallës Parë Tiranë për veprën penale “Shkelje te rregullave te mbrojtjes ne punë” parashikuar nga neni 289 i K.P për shtetasit Besnik Braha, Dëfrim Hakrama, Bujar Daja, E.T.; si dhe per veprat penale “Shkelje te rregullave te mbrojtjes ne punë” dhe “Drejtim mjeti në mënyrë jo te rregullt” parashikuar nga Nenet 289 & 291 të Kodit Penal per shtetasin Edmond Kollari, i cili është drejtuesi i eskavatorit, i papajisur me leje drejtimi përkatëse.
