Zjarri në burgun e Shënkollit, dëshmitari: Viktima ishte i mërzitur, i vuri flakën dyshekut

Zjarri në burgun e Shënkollit

Një tjetër dëshmi vjen nga ngjarja tragjike që ndodhi sot në burgun e Shënkollit ku humbi jetën një i dënuar. Boldnews.al zbardh dëshminë e personit të fundit që komunikoi me viktimën Flamur Sula.

I burgosuri ka rrëfyer se pak minuta para ngjarjes ka qenë duke biseduar me viktimën Sula, i cili ishte shumë i mërzitur. Dëshmitari ka thënë se Sula ka futur disa bombola të vogla poshtë krevatit dhe më pas i ka vënë flakën dyshekut.

“Isha duke duke folur nga jashtë qelisë me Flamurin, që ishte brenda. Ai ishte shumë i mërzitur. Në një moment, Flamuri futi disa bombola të vogla gazi poshtë krevatit dhe më pas i ka vënë flakën dyshekun. Nga zjarri, ka ndodhur shpërthimi që përfshiu gjithë dhomën më pas. Gjithcka ndodhi në pak minuta”, ka thënë dëshmitari.

LEXO EDHE  U qëllua nga pas shpine me armë me silenciator, kush është ish-deputeti që u plagos

Flamur Sula i dënuar me 10 vite burg për vrasje të mbetur në tentativë gjeti vdekjen sot pasi burgu i Shënkollit u përfshi nga flakët. Ministria e Drejtësisë tha se Sula u gjet i asfiksuar në banjë. Ndërkohë kanë mbetur të plagosur edhe 7 persona të tjerë mes tyre 2 gardianë.