Nga Boldnews.al
Gjykata e Lartë ka nxjerr nga burgu ish-efektivin e Policisë Alban Trimin, i cili ndodhej në një tavolinë me Elton Çiçën në mometin kur ai u vra në një lokal në Tiranë. Në vendimin e saj, Gjykata e Lartë ka ndryshuar masën e sigurisë nga “arrest me burg” në “arrest shtëpi” për Trimin. Ky i fundit, nën shoqërinë e një gazetari, ishte pjesë e një skene krimi ku u ekzekutua për vdekje shtetasi Elton Çiço në lokal “De Niro”, në zonën e ish-Bllokut.
Ish efektivi i Policisë akuzohet nga Prokuoria se ka fshehur armën dhe celularin e viktimës. Mbi të rëndonin veprat penale të “prishjes së provave në vendin e krimit” dhe “shpërdorim detyre”.
Alban Trimi, me detyrë shefi i krimeve në komisariatin numër 5, ka njohje të hershme edhe me disa gazetarë që punojnë në televizione të rëndësishme në vend. Burime për Boldnews.al bëjnë me dije se disa nga këta gazetarë kanë ndërhyrë madje sot në media të ndryshme për të mos publikuar lajmin e lirimit të tij.
Boldnews.al mëson gjithashtu se ish efektivi frekuentohej shpesh nga gazetarë të cilët mbulonin sektorin e kronikës së zezë në mediat e tyre, ndërsa në shumicën e rasteve Trimi shërbente si burim informacioni për aksionet e policisë.
Më herët, ish kryeministri Sali Berisha nëpërmjet një postimi në profilin e tij në facebook bënte me dije se arma që kishte fshehur Trimi ishte Zv. Drejtorit të Doganave Besmir Qibinit (dikur ish nën./Drejtor i Policisë së Tiranës) dhe ajo ishte marrë në përdorim nga viktima Elton Çiço. Sipas Berishës i cili i referohej një denoncimi në profilin e tij, Qibini dhe Çiço njiheshin prej vitesh me njëri-tjetrin dhe kishin një miqësi të ngushtë.
