Një minbus është rrëzuar e për pasojë ka humbur jetën një person dhe është plagosur një tjetër, mëngjesin e sotëm në Berat. Ngjarja ka ndodhur në fshatin Pashalli, pranë Gurores.
Sipas informacioneve paraprake, mësohet se në mikrobusin me targa AA705FL udhëtonin 15 pasagjerë.
Burime zyrtare nga policia bëjnë me dije se nga aksidenti ka humbur jetën shtetasia me iniciale F.H., dhe është plagosur lehtë bashkëshorti i saj shtetasi Z.H., 60 vjeç, i cili po merr ndihmë mjekësore në Spitalin e Beratit.
Sakaq, drejtuesi i automjetit, shtetasi Y.V., banues në Urë Vajgurore është shoqëruar në ambientet e komisariatit të Policisë Berat për veprime të mëtejshme hetimore. Sapo u njoftuan për aksidentin, forca të shumta policore mbërritën në vendngjarje, ndërsa po punojnë për shkaqet e ngjarjes.
NJOFTIMI I POLICISË
Më datë 14.07.2016, njoftohemi se në fshatin Pashalli, pranë Gurores është rrëzuar mikrobusi me targa AA705FL, i cili drejtohej nga shtetasi Y.V, banues në Urë Vajgurore. Si pasoj e këtij aksidenti ka gjetur vdekjen shtetasja F.H, 54 vjeçe, banuese në Berat, e cila ndodhej brenda në mikrobus dhe është plagosur lehtë bashkëshorti i saj shtetasi Z.H, 60 vjeç, banues në Berat, i cili po merr ndihmë mjekësore në Spitalin e Beratit. Menjëherë në vendngjarje kanë shkuar forcat e policisë të cilat po punojnë për shkaqet e këtij aksidenti. Drejtuesi i automjetit është shoqëruar në ambientet e komisariatit të Policisë Berat për veprime të mëtejshme.
