Partia Socialiste kremton sot 25 vjetorin e themelimit përmes një ceremonie të posaçme në oborrin e pasëm të selisë rozë. Në ceremoni marrin pjesë themelues të PS, anëtarë të saj, deputetë, ministra, partnerë të koalicionit si dhe përfaqësues të medias.
Kryetari i Kuvendit, Ilir Meta nuk është i pranishëm në përvjetorin e PS për shkak të vizitës së tij zyrtare në Malin e Zi. Si thuajse në çdo përvjetor të PS vitet e fundit, lideri historik i socialistëve, Fatos Nano edhe në këtë përvjetor jubilar nuk ka marrë pjesë.
Ftesë ka pasur edhe për kryetarin e PD, Lulzim Basha, por ai nuk ka preferuar të marrë pjesë. Si përfaqësues i opozitës, i pranishëm në festë është anëtari i kryesisë së PD, Tritan Shehut.
