Megjithëse skandali i pajisjes së përgjimit dhe dyshimit të përgjimeve të paligjshme duke sikur u ‘shua’ prokuroria kërkon të marrë në pyetje Ministrin e Brendshëm Saimir Tahiri.
Burime nga Prokuroria pohojnë se hetimi ka të bëjë me akuzat që ministri Tahiri ka bërë ndaj gjyqtarit Arjan Aliaj që dha vendimin për pezullimin e kryepolicit Haki Çako dhe 2 efektivëve të tjerë.
Për këtë qëllim janë sekuestruar pamjet filmike me zë dhe me figurë të konferencave të Tahirit. Burimet bëjnë me dije se prokuroria kërkoi daljet publike ku Tahiri sulmon gjyqtarin Aliaj. Po kështu pritet që prokuroria pritet të marrë në pyetje ministrin dhe gjyqtarin Arjan Aliaj.
Tre ditë më parë ministri i brendshëm dhe kryeprokurori Adriatik Llalla konsumuan një drekë bashkë por pas saj u ndanë të pakënaqur, madje Tahiri u shfaq i nervozuar.
