Nga Boldnews.al
Kryetari i Bashkisë së Tiranës, Erjon Veliaj dhe sipërmarrësi italian që zotëron dy mediat Shqiptarja.com dhe Report TV, Carlo Bollino njihen për një miqësi të hershme mes tyre. Fotot e publikuara në rrjetet sociale duke shijuar pushimet sëbashku në Itali në pamje të parë nuk tregojnë asgjë, por duke njohur personazhet në objektiv atëherë kupton qartë se ku ndodhet një media e kapur pas pushtetit apo anasjelltas.
Sipas fotove dy çiftet kanë vizituar vendlindjen e Carlos në Itali, Puglia-n. Ata shihen të lumtur ndërsa shijonë bukurinë e trulli-ve, ndërtimeve karakteristike të dukurshme të fshatarëve në zonën e Puglia-s, që tashmë janë një atraksion i veçantë turistik.
Të qeshur me njëri-tjetrin, Bollino dhe Veliaj duket se janë edhe promotorët e miqësisë mes bashkëshorteve të tyre. Megjithatë, bashkëshortja e Bollinos, Alba Malltezi reagoi egër kur Boldnews.al postoi foton e dy çifteve.
“Që e kam mik Erjonin dhe Arjolën nuk të marrë dorën ty o ndër të fundit të një rrace të shpifur shpifësish. Unë i kam miq dhë i publikoj vetë fotot”– shkruante Malltezi, ndërsa në komentet e saj të tjera e lëshonte edhe më tej gjuhën.
Por përveç pushimeve, sëbashku ata shkojnë edhe për punë në Itali. Boldnews.al mëson gjithashtu nga burime konfidenciale brenda Bashkisë së Tiranës, se kryebashkiaku Erion Veliaj është shoqëruar në vizitën e tij në Verona përsëri nga çifti i shartuar Bollino. Veliaj ndodhet prej disa ditësh në këtë qytet italian për të mësuar rreth mbledhjes dhe riciklimit të mbetjeve urbane.
Ai u prit nga homologu i tij, Flavio Tosi nga ku firmosën një memorandum për krijimin e një ndërmarrjeje të përbashkët publike për pastrimin e Tiranës. Nuk dihet qëllimi i pranisë së Bollinos në këtë vizitë zyrtare të kryebashkiakut Veliaj. Por duke u nisur nga investigimet e mëparshme të Boldnews.al, Bollino me siguri do të shfaq interes për të marrë ndonjë fond publik pasi në këtë marrëveshje janë të përfshirë edhe italianët.
Kryeministri Rama është dëgjuar shpesh duke thënë shprehjen “këneta mediatike”, por a e ka për mediat e Bollinos që ngjiten pas pushtetit për të përfituar tenderat publik apo mediat e tjera që mezi po mbijetojnë në këtë treg të pabarabartë.
