Një 51-vjeçar është plagosur mëngjesin e sotëm me armë zjarri në Delvinë. Ngjarja ka ndodhur në fshatin Tatzat, ku shtetasi Emro Çela është qëlluar me armë në banesën e nënës së tij.
Ai është dërguar në Spitalin e Sarandës dhe sipas mjekëve, 51-vjeçari ka dëmtime të rënda në dorë. Pas marrjes së mjekimit në Sarandë, ai është dërguar në Spitalin e Traumës në Tiranë.
Vetë Çela ka pohuar për policinë e Sarandës dhe mjekët se nuk e ka di se kush e ka qëlluar.
“Isha në shtëpinë e nënës sime, por nuk e di kush më qëlloi”, ka thënë 51-vjeçari. Policia e Sarandës ka nisur hetimet për zbardhjen e ngjarjes.