Një nga premtimet e bëra nga PS para zgjedhjeve të qershorit 2013 ishte heqja e ligjit për importin e mbeturinave.
Por së fundmi Ne Kuvend është depozituar një iniciativë ligjore e cila synon t’i hapë rrugë importimit të mbetjeve nga vendet e tjera për t’u përpunuar në Shqipëri.
Denoncimi vjen nga Nisma #THurje, e cila përmes një statusi në FB njofton për mundësinë e rikthimit të ligjit aq shumë të kontestuar.
Mbetet për t’u parë nëse vendimi i atëhershëm i qeverisë Rama për të anuluar ligjin ishte thjesht për efekt të fushatës që e solli në pushtet apo realisht mendojnë se Shqipëria nuk meriton të marrë këtë ndëshkim.
Statusi në FB i “Nisma #THurje”
Ne Kuvend eshte depozituar nje iniciative ligjore e cila synon ti hape rruge importimit te mbetjeve nga vendet e tjera per tu perpunuar ne Shqiperi.
Ne nje vend i cili nuk kontrollon dot sigurine e aeroportit eshte e paimagjinueshme qe te pretendohet se do te kontrollohet se cfare lloj mbetjesh do te hyjne. Historia ka treguar se vende si Shqiperia, me qeverisje te korruptuara dhe pa kontroll serioz ne pikat doganore dhe ne territor, jane perdorur si depozita tokesore per mbetjet toksike e qe per te cilat kompanite e medha qe i prodhojne do u duhet te shpenzojne miliarda per asgjesimin ne vendet e tyre. Keto lloj mbetjesh rrezikojne qe me kalimin e kohes te ndosin burimet ujore dhe te shkaktojne deme fatale ne shendetin e banoreve perreth zonave ku depozitohen.
Duhet reagim qe ky projektligj te mos miratohet, ne te kundert pasojat do te jene fatale.
Shperndaje kete postim ne forme reagimi.
