Një tjetër propozim me natyrë provokative, i cili parashikon legalizimin e prostitucionit në Shqipëri është bërë nga EURALIUS, misioni i Bashkimit Evropian që asiston autoritetet shqiptare për reformën në drejtësi.
Ky propozim vjen pas legalizimit të martesave gay, reflektuar në nenin 4 të projektit kushtetues.
Misioni i Bashkimit Evropian propozon legalizimin e prostitucionit, duke kërkuar shfuqizimin e neneve 113 dhe 115 të Kodit Penal.
Vitin e kaluar, Gjykata e Lartë, i kërkoi Gjykatës Kushtetuese shfuqizimin e paragrafit të parë të nenit 113 të Kodit Penal, për t’i hapur rrugë dekriminalizimit të prostitucionit.
Në vendimin e saj, gjykatë vlerëson se neni 113 i KP-së nuk përmban diferencim në përcaktimin ligjor, pasi dënon autorët e prostitucionit, që mund të jenë femra ose meshkuj.
Por, Gjykata Kushtetuese e rrëzoi kërkesën e Gjykatës së Lartë.
