Një makinë është filmuar në rrugët e Tiranës ku në pjesën e pasme të makinës shihet një fëmijë i shtrirë e i puthitur me xhamin teksa po fle. Kjo pamje ka shokuar të gjithë rrjetin social pas publikimit të videos në Jeta Osh Qef.
Zakonisht ajo që shikojmë rëndom në pjesën e pasme të makinave në Shqipëri është “Kujdes, jam shofere e re”. Kjo papërgjegjshmëri nuk ka kaluar në heshtje nga njerëzit, të cilët e kanë kritikuar drejtuesin e automjetit për lënien e fëmijës në këtë mënyrë sikur të ishte një objekt i parëndësishëm.
Kjo makinë është filmuar nga një shofer në zonën e 21-Dhjetorit në Tiranë disa minuta më parë dhe tregon një fëmijë me një bluzë të verdhë dhe pantallona të bardha teksa qëndron i strukur në pjesën e pasme të makinës, gjë që e bën të vështirë edhe për shoferin që të shikojë rrugën për të mos folur më pas për jetën e fëmijës.
