Duke parë tendencat dhe dashurinë e kryeministrit për artin postmodern aktivistë të shoqërisë civile i kanë dhuruar një letër-tortë në formën e jashtëqitjes kryeministrit Edi Rama në 52-vjetorin e tij.
Surpriza i është dorëzuar me protokoll në kryeministri Edi Ramës dhe duket se truprojat e tij nuk e kanë kuptuar metaforën.
Makthi i kryeministrit nga shoqëria civile ka kaluar në fobi politike aq shumë sa nuk shqetësohet nga akuzat e opozitës politike por më tepër nga shoqëria civile.
Të pyetur nga Boldnews se mos një veprim i tillë, apo simbolika e përdorur ka për qellim të fyejë figurën e kryeministrit, aktivistët u përgjigjën se “kjo dhurate ditëlindjeje shpreh një aspiratë të vjetër të ish-piktorit avangardist për të ofruar mbetjet biologjike si vepra arti në funksion të emancipimit të shoqërisë shqiptare”.
Kohët e fundit kryeministri është gjendur përballë sulmeve me vezë nga studentët dhe i ka çuar ata edhe për ndjekje penale.
Ja se ç’shkruhet në letrën e urimit:
I dashur kryeministër, të urojmë nga zemra u bëfsh 100 vjeç!
Zemra na e donte të ta shtronim det, po kemi qëlluar pak hollshëm këto vitet e fundit.
Po prapë, u sajuam me këto që na u gjendën, se të paktën kaq na e ke lënë.
Populli
(torta u protokollua)
(Boldnews)
