Tre automjete janë shkrumbuar nga flakët në parkimin e qendrës tregtare “City Park” në periferi të Kryeqytetit.
Nuk dihet ende shkaku i zjarrit në automjet, policia ka nisur hetimet për të mësuar të vërtetën e djegies së automjetit.
Nga të dhënat e para mësohet se shkak është bërë një çakmak i harruar në sedilje, i cili për shkak të temperaturave të larta të shpërthejë.
Kështu, fillimisht ka marrë flakë makina brenda së cilës ndodhej çakmaku, ndërsa më pas flakët kanë përfshirë edhe dy automjete të tjera që ndodheshin në parking, në qendrën tregtare City Park.
Dëshmitarët thonë se zjarri ishte i papritur. Ata kanë njoftuar menjëherë zjarrfikësen dhe policinë, por të dyja kanë mbërritur me shumë vonesë në vendin e ngjarjes
Mësohet se zjarrfikësja ka shkuar pasi zjarri ishte shuar nga vetë të pranishmit.
