Deputeti socialist Ben Blushi duke sqaruar nga foltorja e Kuvendit qëllimin e amendamentit firmosur prej 10 deputetëve për zgjedhjen ePresidentit nga populli, ka akuzuar kundërshtarët e nismës, duke deklaruar prerë se tre partitë e vjetra PS, PD dhe LSI nuk janë dakord, pasi e duan zgjedhjen e presidentit për të bërë pazar.
Blushi ne Kuvend.
Në nisje të fjalës së tij, Blushi falenderoi firmëtarët, që sipas tij ndonëse me ide, pikëpamje dhe eksperienca të ndryshme i bëri bashkë një bindje e rëndësishme, zgjedhjen e Presidenit nga vetë populli.
“Kjo ide është një amendament kushtetues u firmos nga 10 deputetë që i falenderoj përzemërisht që pranuan ta sponsorizojnë këtë ide, Dade, Shehi, Selami, Duka, Dule, Arapi, Ndoka, Muhedini dhe Hafizi.
Jemi 10 deputetë që kemi firmosur amendament për zgjedhjen e presidentit nga populli, jemi të partive të ndryshme pikëpamjeve, eksperiencave të dnryshme, por na bashkon qëllimi për t;i dhënë mundësi shqiptarëve të zgjedhin me votë direkte, pasi mendojmë se presidenti duhet të zgjidhet nga populli Shqipërisë.
60% e popujve të Evropës e zgjedhin presidentin direkt nga populli dhe nuk konsideohet dhuratë, por detrim i polikës ndaj zgjedhësve të tyre, sepse besohet që kushtetuta e vendit dhe uniteti kombëtar dhe intersi publik mbrohen më mirë nga miliona zgjedhës se 140 deputetë.
Ne kemi mbështetur këtë amendament kushtetues me bindjen se ndryshimet kushtetuese nuk ka snjë arsye të mos prekin cështjen e Presidentit, por jo për kompetencat e tij dhe formën e Republikës sonë, që duhet të mbetet parlamentare dhe jo presidenciale.
Kam dëgjuar shumë gjëra brenda e jashtë sallës, por që në thelb nuk duan që presidenti të zgjidhet nga populli, duan ta mbajnë vetë, disa palë duan ta mbajnë presidentin në dhe për vete, ne të 10 duam që të jetë mbi dhe jashtë palëve dhe ky është ndryshimi.
Kuptohet kush janë ata që nuk e duan, partitë e vjetra; Rilindja, PD dhe LSI, se ato kanë më shumë vota e nuk duan që populli të votojë presidentin direkt. Pse? Sepse me rastin e zgjedhjes së tij të bëjnë pazar, sepse zgjedhja me 71 vota është më e thjeshtë.
Nëse kjo praktikë vazhdon dhe amendamenti nuk miratohet se cfarë do ndodhë vitin tjetër kur të jenë zgjedhjet e presidentit, kjo dihet, do zgjidhet një i paaftë dhe mediokër me 71 vota nga ata që kanë shumicën në Kuvned. Populli në cdo rast ka filtra më të mirë se ky Kuvend për të përzgjedhur dikë që nuk është i paaftë, që nuk është i
dhunshëm dhe jep garanci se mund të mbrojë interesin kombëtar dhe interesin publik.
Dikush këtu qau dhe tha se ne 10 burra dhe gra që e propozuam këtë amendament i paskemi kopjuar amendamentin. Kjo është njësoj sikur të thuash më ke kopjuar një mendim që nuk e kam thënë. Nëse ka një njeri këtu që është për president nga populli, unë jam gati ta gris amendamentin tonë. I vetmi amendament është ky që kemi përgatitur ne 10 burra dhe gra. Ju ftoj të gjithëve sot ti lëmë paragjykimet dhe interesat partiakë dhe ti japim presidentin popullit shqiptar
