Kryetari i Partisë Demokratike, Lulzim Basha, theksoi edhe një herë tjetër se opozita ka “gadishmëri absolute për të pranuar çdo zgjidhje të çështjes së fundit që ndan palët për reformën në drejtësi, ajo e konstituimit të 4 institucioneve të reja”, me anë të “zbatimit të plotë të rekomandimit 88 të Komisionit të Venecias”.
“Nuk mund të pranojmë një drejtësi “Venecia minus”, pasi do të përkthehet në një drejtësi të kapur”, shpjegoi Basha.
Më tej, kreu i PD-së i bëri thirrje mazhorancës që të lërë insinuatat dhe luftën verbale, duke i dhënë shqiptarëve “qartësinë që meritojnë”.
“Nëse Rama është gati për zbatimin e nenit 88, të ulemi dhe t’i gjejmë zgjidhjen përfundimtare problemit”, u shpreh Basha.
