Policia greke është duke shpresuar për një identifikim pozitiv të shqiptarit që u vra në një shkëmbim zjarri me policinë e Qipros pas vrasjes së një biznesmeni të shquar dhe dy personave të tjerë të enjte, pasi beson se ai mund të jetë i njejti person i arrestuar tre vjet më parë në Athinë pas një tentative më të hershme për t’i marrë jetën biznesmenit.
Shqiptari në mediat greke rezultoi me emrin Jani Vogli.
Në foto: Majtas, çifti që u vra – Në mes, vrasësi në arrati Aleks Burreli – Djathtas, biznesmenti Phanos Kalopsidiotis.
Phanos Kalopsidiotis, një mik i ngushtë i familjes bashkë me gruan e tij u qëlluan me armë të enjten në darkë në Ayia Napa të Qipros. Sipas dëshmitarëve, ishin dy burra që zbritën nga një makinë dhe hapën zjarr duke vrarë Kalopsdidiotis dhe dy miqtë e tij para syve të dy fëmijëve të këtyre të fundit. Një nga vrasësit (Jani Vogli) u vra nga policia ndërsa tjetri arriti t’ia mbathë. Për të dytin, shpallur në kërkim, u tha se quhet Aleks Burreli nga Mallakastra.
Saktësisht katër vjet para ditës kur u vra, Kalaposidiotis i kishte shpëtuar një sulmi në të njëjtën zonë në të cilin u vranë pesë nga truprojat e tij.
Policia në Greqi në atë kohë arrestoi 38-vjeçarin e vetëquajtur anarkist, Dimirtis Mamalikopoulos dhe një tjetër person pas sulmit.
Zyrtarët grekë zbuluan gjatë hetimeve që Mamalikopoulos ishte shok i ngushtë me një shqiptar të moshës 38-vjeçare, që u mor në pyetje në atë kohë dhe u lirua.
I njejti person u arrestua sërish në Qipro pasi Kalopsidiotis e quajti atë një nga personat që do donte ta vrisnin. Ai u mor në pyetje përsëri dhe u lirua për shkak të mungesës së provave.
